Michel Hafner und Kathrey, sein hausfraw, die emaln Linharten Unpaw seligen auch elichen gehabt hat, habent versaczt ir haus, gelegen vor Kernertor in der Weydenstrass an ainen tail zenagst in dem gésslein, und an dem andern zenagst Alberts des dren Ladner haws. Petern írm sun, den die vorgenant Kathrey mit dem egenanten irm erern mann Linharten Unpaw seligen gehabt und im hat, umb zwainczig phunt phening, die si im in irer heirat gegen dem obgenant Micheln Hafner ausgenomen hat. Und sind zu beczalen wenn derselb Peter vogtber wirdet, darnach an alles vertziehen. Gíng er aber ungevogter ab, so sullen die egenanten xx tl. d. wider volgen und beleiben der egenanten Kathrein seiner muter. Actum an Freytag vor sant Elsbeten tag, anno domini etc. xlviii.

Summa xl d.