Margreth Mathesen Ubermút des Swertfeger hausfraw die emaln Kristan Rattaler seligen auch elichen gehabt hat, hat vers verchaufft xiii tl. d. gelts purkrechts auf irm haws gelegen hinder Sand Pangreczen zenagst Philippen des Pogner haws an ainen tail und an dem andern zenagst weilnt des Wirsing haws. Und auf irm und irs mans Mathesen Ubermut klainen haws ynnerhalb Pewrertor gelegen auch zenagst des Wirsing haus an ainen tail und an dem andern zenagst Wolfgangs Swertfeger haws, das der Augustiner grunt ist. Dem erbern Petern Ekher diezeit kaplan und verweser der mess, die maister Albertinus puchartzt auf Unser Frawn altar zu Sant Stephan zu Wienn gestifft hat, und seinen nachkomen, umb hundert phunt phenning. Und sind zu dienn zu drein tegen und wider abzukauffen miteinander und den nagsten dinst damit ut littera sonat. Actum an Freitag nach sand Michels tag Anno domini etc. liii.

Summa vi s. xx d.