Margreth Ulreichs Stedlmair des verber hausfrau, die emalen Mertten Verber auch elichen gehabt hat, hat versaczt ir haws mit aller seiner zugehorung, gelegen innerhalb Stubentor zenagst Micheln Hawnolten haws an aim tail und an dem andern zenagst Michels Smids haws den erbern Micheln Lucasen und Sabina irn kindern die sy mit dem egnant irm erern man gehabt hat und noch nicht vogtper sind die in der umb funfhundert phund phenning, die in der benant ir vater seliger von seinen voraindenhab in gleichen tail geschafft hat und sind zubeczaln wan sy vogtper werden¹, wer aber das sy ungevogt abgingen mit tod, so sullen dann dieselben summa phenning dahin gevallen, dahin sew dann ir vater seliger geschafft hat nach lautt seins gescheffts ut littera sonat. Actum an Freitag vor sand Kathrein tag anno etc. liii.

Summa iiii tl. xl d.