Eintrag vom 1456-02-04Informationen zum Dokument

Margreth Ulreichs Stedlmair des verber hausfraw die emalen Mertten Verber auch elichen gehabt hat, hat versaczt ir haws mit aller seiner zugehórung gelegen ynnerhalb Stubentor zenagst Michelm Smidts haws. Der erbern junkchfrawn Sabina irer tochter, die sy bey dem egenant Mertten Verber seligen gehabt hat umb funf hundert phunt phenning, die weilent der benant Mertt Verber seliger derselben Sabina und Micheln ir´m brúder und Lucasen auch ir´m bruder der ungevogter gestorben ist, von seinen varunden gút geschafft hat nach lautt seins gescheffts und die darnach derselben Sabina gegen dem vorgenanten Micheln irem brúder an rechter tailung gevallen sind nach laut der tailbrief darumb ausgegangen, und sind zubeczalen wenn dieselb Sabina vogtpér wirdet. Wér aber daz sy ungevogt abging so sullen dann dieselben summa phenning gevallen nach lautt des egenant ir´s vaters séligen geschefft. Actum an Mittichen nach Unserer Frawen tag der Liechtmess, anno etc. lvio.

Summa x s. d.

Nota die vorgenant v tl. d. hat Wolfgang Hollnbaumer und Hanns Pragentl anstat und als gerhaben der egenant Sabina und zu irn handen von Ulreichen Stadelmair und Petern von Haidenreichstain und Hannsen Wienner der egenant Margreten der benant Sabina muter seligen geschefftleut ingnomen nach lautt ainer quittung, so dieselben geschefftleut darumb habent. Actum an Mittichen ante Gregorn lviio.