Eintrag vom 1456-02-26Informationen zum Dokument

Michel Marchart und Kunigund sein hausfraw habent versaczt ir haws mit aller seiner zugehorung gelegen im Prúchpaden zenagst Urbans Tegkendorffer haws an ainer seytten, den erbern Jorgen Winkler und Hannsen Hainleber an stat und als gerhaben Hennsleins Philipps Hausrugker sún der egenant Kúnigunden prúder, der noch nicht vogtper ist, und seinen erben umb acht und zwainczig phunt phenning, die im zu seinen erbteil von des egenant hawss wegen geburtt, habent und sind czu beczallen, wenn derselb Hennsl vogtper wirdet oder ob er ungevogt abging, sein erben, den das rechtlich zugepúret darnach ynner den nagsten acht wochen an alles vercziehen und sullen auch denselben Hennslein innhaben ziehen g mit kost und gewant versorgen uncz das er vogtper wirdet an abslag seins gúts ungeverlich. Actum an Freitag vor Oculi in der vassten, anno etc. lvio.

Summa xvi d.