Michel Phuntinaschen hat versaczt die ubertewrung seins hawss mit seiner zugehorung gelegen im Schiltergesslein zenagst Hannsen Smelcz des seidenvater haws an aim tail und an dem andern zenagst Hannsen Renharts haws uber die funfhundert pfunt pfenning haimsteur und widerlegung, so er seiner hausfraun Waltpurgen vor darauf verschriben hat nach lautt ains saczbriefs daruber gelten. Der erbern Anastasien Hannsen des Weissen hausfrau, die emalen Ulreichen Veldner seligen auch elichen gehabt hat ir lebteg und darnach desselben Veldner nagsten erben umb drewhundert pfunt pfenning der swarczen munss die von dem benanten Veldner der egnant Anastasien morgengab sein. Also das sy die ir lebteg unverchumert innhaben nuczen und niessen sol als morgengab recht ist und nach irm abgang sullen dieselben pfenning erben und gevallen auf des egnant Veldner nagsten erben, darauf sy zu recht hin erben und gevallen sullen. Und sind zubeczalen wan sy die vordernt und nicht lenger peten wellen, darnach ynner den nagsten zwelf wochen an alles vercziehen ut littera sonat. Actum an Montag nach Judica in der vasten, anno domini etc. lviio.

Summa ii ½ tl. d.