Eintrag vom 1457-08-31Informationen zum Dokument

Margreth Merten des Enthaimer hausfrau ghat versaczt ir haws gelegen am Kienmarkt zenagst Steffans Kerner des kursner haws davon man jerlich dint hern Petern von Wienn caplan der mess, die maister Albrecht der púcharczt auf Unsrer Frawn altar dacz Sand Steffan zu Wienn gestifft hat xiii tl. d. zupurkrecht, die abczulosen sind mit hundert phunt phenning nach lautt ains purkrechtbriefs und nicht mer den erbern Margreten Gebharts Voburger des kursner seligen witiben Prenharten und Mathesen geprüdern den Voburgern irn sún und Barbaren Hannsen Steirer hausfrawn irer tochter, die sy mit dem egenant Gebharten gehabt hat und desselben Gebharten erben umb hundert phunt phenning der swarczen múnss, die der egenant Margreten von dem benant Gebharten morgengab sind. Und sind zubeczalen wenn sy dei vordernt und nicht lenger peiten wellent, darnach ynner dem nagsten moneid anvercziehen. Und sullen in auch alle jar davon raichen und geben zehen phunt phenning zu den drein tégen im jar zu Weichnachten, zu sand Jorgen tag und zu sand Micheln tag zu yeden tag drew phunt und achczig phenning nach laut ains briefs den die vorgenant Margreth Voburgerin darumb hat. Actum an Mitichen vor sant Giligen tag, anno etc. lviimo.

Summa vi s. xx d.