Mertt Schrat und Kathrey sein hausfraw habent versaczt die ubertewrung [irs] hawss mit seiner zugehórung gelegen zenagst an Pewrer turn hie zu Wienn, zenagst Hannsen Schalawczer haws, mit ainer seitten, uber die tausent phunt Wienner phenning haimstewr und morgengab, die der egenant frawn Kathrein emalen darauf verschriben sein nach lautt ains briefs daruber gegeben. Dem edeln Wolfgangen Puhlinger dieczeit meins gnédigen herren herczog Sigmunds herczogen zu Österreich etc. kamerschreiber und seinen erben umb tausent guter Reynischer guldein lanndeswerung. Und sind zubeczalen auf die Weinachten nagstkunftigen an alles vercziehen ut littera sonat. Actum an sand Petronellen tag, anno domini etc. lxio.

Summa vi tl. d.