Mertt Kornfail ledrer hat versaczt die ubertewrung seins hawss gelegen vor Stubentor im Grewtt zenagst Linharts Stengl des ledrer haws uber die xx tl. d. die Gotfriden Lentrechinger oler emalen darauf verschriben sein, Micheln Jorgen Wolf des sneider von Newsidl am See sun, den er gehabt hat bey seiner ersten hausfrawn Barbaren die noch nicht vogtper ist, umb xxxv tl. W(ienner) d. die im von der egenant Barbaren seiner muter erblich zugepurn von ainen weingarten am Alssegk, des ein halbs jeuch ist, daz der egenant Jorg Wolf anstat desselben sein suns mit des obgenant Mertten Karnsail wissen und willen, anstat seiner hausfrawn Margrethen der vorgenant Barbaren seiner swester Mathesen dem Welczl zu Hindperg darumb verkauft hat. Und sind zubeczalen wann der egenant Michl vogtper wirdet und ob er ungevogter abging, darnach seine nagsten erben¹ muterhalben an alles vercziehen. Actum an Freitag vor sand Veits tag anno etc. lxio.

Summa lxx d.

Habet cedulam.

Ex iussu consilii.

Nota die obgenant xxxv tl. d. hat Jorg Wolf der sneider zu im erhebt und darumb ain geltbrief seinem sun Michelen zú dem púch nidergelegt, und die er im zu Newsidl an ain erb anlegen sol, dafur porg graf Sigmund von Posing. Actum an Montag vor goczleichnamstag anno etc. lxiiiio.