Eintrag vom 1462-10-01Informationen zum Dokument

Mert Herczogenperger hat verkauft sechs pfunt Wienner pfenning gelts purkrechts auf seinem hauss gelegen bey Peyrertor amm egk, zenagst weilent Lorennczen Wienner des goltsmids hawss, über die sechs pfunt pfenning gelcz purkrechts darumb es hern Jörgen Römer Gracianer zú Sand Steffan hie zú Wienn dieczeit capplan der mess, die Hainreich vom Steg auf der Aindleph tausent Maid altar zú Unser Frauen auf der Stetten gestift hat, verschriben ist. Dem erbern herrn Petern Humel kapplan Sand Anthoný altar auf der parkirchen in Unserer Frawn kappellen auf der Stetten hie zu Wienn und seinen nachkomen kapplen desselben altar. Umb sechsundfúnfczigk pfunt Wienner pfenning und sind zú dienn zú drein tégen im jar und abczelosen miteinander umb sechsundfúnfczigk pfunt Wienner pfenning und den nagsten dinst damit ut littera sonat. Actum an Freytag nach sand Michelstag anno etc. lxiio.

Summa iii s. xxii d.

Nota das purkrecht ist abgelösst und zum gruntpuch erlegt. Actum quarta post Michael Anno etc. lxxo vtz in registro.

Nota das obgenant purkrecht vi tl. d. sind emalen gelegen auf Jörgen Sevelder hauss das wiemalen Steffan des Lebenprust gewesen und der purkrechtbrief darumb ist noch unversert und ecz.. das obgenant purkrecht am nicht ausstan werden es sey dann von derselb purkrecht zersniten.

Nota das purkrecht ist widerumb angelegt und auf Michel Stephan Hyrssawer haws auf der Huchenprukh in der Schotten gruntpuch verschriben. Actum an Phincztag vor Andre, anno etc. lxxmo.