Michel Mair der fleischakher und Margret sein hausfraw habent versaczt ir hawss gelegen in der Vilczerstrass zenagst Andreen Schaffwoll des Tuechpraiter hawss junckfrawn Elspeten Hannsen Tastler tochter, die er bey Annen Hannsen Gundagkher zú Ösczestorff tochter seiner hausfraun seligen eelichen gehabt hat. Umb vierczigk pfunt Wienner pfenning, die sy von der ergenant frawn Annen irer múter erblich angevallen und vor auch auf dem benant hawss gelegen sind gewesen, und sind zúbeczalen, wann die obgenant junckfraw Elspet vogtper wirdet an alles vercziehen. Actum an Freitag vor dem Suntag Oculi in der vassten anno etc. lxiiio.

Summa lxxx d.

Nota den sacz hat die obgenant Elspeth yetz Jacoben Därndl hausfraw ledig gesagt nach lautt ainer quittung so der egnant Mair darumb hat. Actum an Mitichen vor Bartlomey Anno etc. lxxi.