Eintrag vom 1463-05-20Informationen zum Dokument

Vermerkht, das Jörg Hewbegk von Ütldorff die vierhundert Ungrisch guldein darumb im Mathes Angervelder sein hawss und das zúhéwsl hinden daran gelegen, am Kyenmarkht zenagst des Gewkramer hawss an aimm tail und an dem andern zenagst Kúntzen Pintter des kramer hauss – versaczt¹ – verschaft hat seiner hausfrawn Annen und seiner tochter Barbaren. In baiden in gleichen tail nach lautt seins geschéfts im statpuch hie geschrieben. Und im von sunder könlicher lieb und trew willen hat die obgenant Anna Hannsen Schúrger irm mann die zwayhundert Ungrisch guldein so ir zu irm tail darinn zúgepúrn vermacht und verschriben. Also welhes under in baiden gemecheiden das annder überlebt, demselben sullen dann die obgenant zwayhundert guldein ledigklich gevallen und zusteen an irrung ungeverlich. Actum an Freitag post Ascensionis domini anno eiusdem etc. lxiii.

Summa nulla propter muter servicium.

Schürger habet cedulam.