Margreth Gilgen Winkhler des vilczhueter seligen hausfrau, die yetz Casparn den Cirnus mitburger ze Wienn auch eelichen hat, hat versaczt die übertewrung irs halben hauss mit allen den geméchen und gemainen stukhen, so nach lautt des tailbriefs darczúe gehórnt gannczes gelegen im Schúlhof anders genant amm Judenplatz zenagst Steffan Sorgenfrey haus ann aimm tail und mit dem andern zenagst Hainrichs von Essling hauss úber die hundert und dreissigk pfunt pfenning lanndswerung, darumb es vormalen Marthan und Margreten irn kindern versaczt ist. Dem erbern Rupprechten Rein von Nurnberg und seinen erben umb fünfczigk Ungrisch guldein gerecht in gold und wag. Und sind zúbeczalen auf Unserer lieben Frawn tag zu der Liechtmess nachstkunfftigen anvercziehen ungeverlich. Actum an Sambstag nach Unserer lieben Frawn tag der Schiedung, anno domini etc. lxiiio.

Summa iii s. xxvi d.

Ruppr(echt) habet cedulam.