Michel Hebel burger ze Wienn hat versaczt sein hawss gelegen in der Kernertsrass amm egk als man an den Newnmargkt geet, genannt das Zieglhauss zenagst Niclasen von Prunn seligen hawss, dem erbern Adam Kuchenmaister und sein erben, umb zway hundert gúter Ungrischer guldein gerecht in gold und wag. Und sind zúbeczalen von dato des g sacz zeraitten über ain ganntz jar anvercziehen. Und der sacz ist beschehen mit willen und wissen frawn Appolonia des obgenanten Hebel hausfrawn, der das benannt hawss fünfthalb hundert phund phenning vormalen verseczt ist ungeverlich ut littera sonat. Actum an Mittichen vor sannd Gregorgen tag, anno etc. lxiiiio.

Summa xiiii s. d.