Eintrag vom 1466-07-14
Mert Kornfail der ledrér mitburger zu Wienn hat versaczt die ubertewrung und gerechtigkait seins hawss gannczes gelegen vor Stubentor im Krotental zenagst Wicharts Stengel des ledrer hawss uber die acht phunt phenning darumb es vormalen Jorgen Wolf zu Newsidel am See und sein erben versaczt ist. Dem erbern Niclasen Salczer dem Ircher mitburger zu Wienn, Elspethen seiner hausfrawen und iren baiden erben umb funffczehen phunt phenning. Und sind zubeczalen auf sand Michels tag nagstkunfftigen an alles verziehen getrewlich und ungeverlich. Actum an Montag nach sand Margrethen tag, anno etc. lxvito.
Summa xxx d.
Nota das obgenant hawss stet nucz und gwer Michel Holensturcz und hat den sacz auf sich genomen.
Zitierhinweis
Eintrag vom 1466-07-14, Nr. 01348, In: Ertl, Thomas/Andorfer, Peter/Fiska, Patrick/Weinbergmair, Richard/Grünwald, Korbinian: Ein Wiener Grundbuch des 15. Jahrhunderts. Digitale Edition des Satzbuch CD (1438-1473). (Mai 2021), https://grundbuecher.acdh.oeaw.ac.at/e01348_1466-07-14.html