Michel Swab der messerer mitburger zu Wienn und Elspeth sein hausfraw habend versaczt ir prantstat darauf ain hewsl gepawt ist gelegen im Herhof zenagst des Stukharner hawss und Barbaren Giligen Herten hausfraw yecz zu Padn wonhafft die emalen Jacoben Pigvelt den vilczhueter seligen auch elichen gehabt hat gewesen ist Margrethen und Wolfganngen der benanten Pigvelt und Barbaren seiner hausfrawen kindern umb zwaintzig phunt phenning Wienner múnss die in der yeczgenant Jacob ir vater seliger auf dem benanten hawss geschafft hat und sind zubeczalen wann die benanten zway kinder vogtper werden. Wéere aber das die benanten zway kinder ungevogt mit tod abgingen, so sullen dann die benanten zwaintzig phunt phenning gevallen auf die benanten Barbaren ir múter lediclich nach lautt des benanten Jacoben Pigvelt seligen geschefft daz in dem statpuch zu Wienn geschriben stet. Actum an Freytag vor sand Bertlmes tag, anno domini etc. lxvito.

Summa xl d.

Nota die obgenanten xx tl. d. sind zum puch erlegt zu hannden der bemelten kinder nach lautt der geschefft und auf Hannsen Kampp haws in der Walichstrass widerumb verschriben.