Eintrag vom 1467-07-15Informationen zum Dokument

Margreth Talmans Rebl des kramer hausfraw, die vormalen Stephan Eysentzieher seligen auch elichen gehabt, hat versaczt ir hawss gelegen hinder Sand Pangreczen zenagst dem hawss, das zu der mess gehörtt, die weilent der Reichl auf der parkirchen zu Sand Michel gestifft hat, Jorgen irem sun den sy bey den obgenanten Stephan Eysentzieher seligen elichen gehabt hat und seinen erben umb xxxii tl. d. die im daselb sein vater geschafft hat, und umb sechtzehenn phunt phenning pett und pecher gleich halbs¹, die erblich auf in von Margrethen seiner swester, die ungevogt mit tod abgangen ist, komen sind nach lautt des obgenanten Eysentzieher seligen geschéfft. Und sind zubezalen wann der obgenant Jorg vogtper wirdet an alles verziehen. Wér aber das er ungevogt abgieng so sol es alles gevallen auf die egenant seine muter. Davon sol sy mit wissen seiner geschefftlewt ausrichten zehen phunt phenning durch got und seiner sel hails willen nach lautt seins geschéffts, daz im statpuch zu Wienn geschriben stet. Actum an Mitichen nach sand Margreten tag, anno etc. lxviimo. Und sol auch den obgenanten Jorgn iren sun an abslags seins guts innhaben uncz das er gevogt werdet nach lautt desselben geschéffts.

Nota Margret Cristans Russter seligen witib an stat ir selbs und Elspethen irér swester hat den obgenant sacz ledig gesagt nach lautt ains spruchbriefs, der zum puch erlegt ist.