Eintrag vom 1470-01-31Informationen zum Dokument

Michel Krumbrawer goltsmid hat versaczt sein halbs haws ganczes gelegen in der Kernerstrass zenagst ·· des abbts zu Sand Mareinzell hawss an ainen tail und ist der ander tail mit allen den geméchen und gemainen stukhen, so nach lautt der tailbrief darczu gehorn. Dem erwirdigen geistlichen herrn herrn Mathiasen abbt und dem convent gemain Unser lieben Frawen goczhaws zu den Schotten zu Wienn und irn nachkomen zu hannden desselben goczhaws, umb funffundsechtzigkh Ungrisch guldein gerecht in gold und wag, und sind zubeczalen von Unser lieben Frawen tag der Liechtmess ubér ain gannczes jare nagstkunfftigen an alles verziehen getrewlich und ungeverlich. Actum an Mitichen vor Purificacionis, anno etc. lxxmo.

Summa v s. d.

Abbas habet cedulam.

Nota der egnant sacz ist ledig gesagt durch Hannsen Kopp hofmaister des egnant goczhaws zu den Schotten und ein annder sacz demselben goczhaws verschriben utz folio sequenti.