Niclas Wagner, der schuster, und Dorothe, sein hausfrau, habent versaczt irn tail hawss am Harmarkcht, gelegen zenagst der padstuben genant die Perlabin. Dem erbern Fridreichen Lenstain, dem sneider, anstat und zuhanden junkfraun Magdalen, seiner tochter, und irn erben, umb xxx tl. d., die von der Schoberlin geschafftem gut herkómen sein und der egnanten Magdalen zugepurn. Und sind zu beczalen wenn dieselb Magdalen vogtpér wirt oder ob sy ungevogte abging darnach írn nagsten erben den das rechtlich zugehort und die obgnanten kanléut darumb mit dem brief so darumb ist ermont darnach ynner dem nagsten moneid anvercziehen und alle dieweil sy das obgenant gelt innhaben, so sullen sy der egnanten Magdalen oder irn erben alle jar davon raihen und dienn zwai pfunt pfening zu den zwain tegen im jar zu sant Jorgen tag und sand Michaels tag zu yedem tag ain pfunt pfening, ut littera sonat. Actum an Freitag vor Thome, anno etc. xlvto.

Summa lx d.