Niclas Wagner, der schuster, und Dorothe, sein hausfrau, habent verkaufft siben pfunt pfenig gelts purkrechts auf der uberteurung irs halben tail hauss ganczes gelegen am Harmarkt zenagst der Perlabin, uber die dreissig pfund phening, so junkfrawn Magdalen Fridreichs Lenstain tochter, davon man jerlich dint zwai pfunt phening nach lautt ains besiglten geltbriefs, so sy darumb hat, emalen darauf verphendt sind. Umb sechsundfunfczig pfund phening, die emalen gelegen sein auf Steffans Werder smyds und Annen seiner hausfraun haus, dem erbern Johannesen Méczinger von Freindorf, verweser der ewigen mess die weilent Dietreich Fluschart auf Unser Fraun altar zu Sand Steffan gestifft hat, und seinen nachkomen. Und sind zu dienn zu drein tégen und wider abczukauffen miteinander und den nagsten dinst damit, ut littera sonat. Actum an Freitag ante Judica in der vassten, anno etc. xlvito.

Summa iii s. xxii d.

Die vorgenanten lvi tl. d. sind zu dem puch erlegt worden, an Mittichen vor Thome apli, anno etc. xlviiii.