Niclas Ponhalm und Helen sein hausfrau habent verchaufft zehen phunt pfenning gelts purkrechts auf der ubertewrung irs hawss gelegen mit dem vordern tail under den Satlern und mit dem hindern tail in dem Kamerhof zenagst Andres Hofmaisters des kursner seligen haws, uber die zwaihundert zwayunddreissig pfund pfenning die Cristan Wissinger vormaln darauf verschriben sind und uber die dreyundzcwainczig Ungrisch guldein in gold gelts purkrechts, die si Hannsen Winkchler nachmalen darauf verschrieben haben, die abczulosen sind mit zwainhundert und virczehen guldein in gold nach lautt der brief darumb gegeben umb hundert pfund pfenning, die emaln gelegen sind auf Affren Wolfgangs Orter hausfraun haws im Schiltergesslein. Dem ersamen hern Jorgen Schrot obristen caplan Sand Peters cappellen zu Wienn und seinen nachkomen, und sind zu dienn zu drein tegen und wider abczukauffen miteinander und den nagsten dinst damit ut littera. Actum an Freitag vor dem Heiligen Palmtag anno etc. liiiito.

Summa vi s. xx d.