Eintrag vom 1454-07-31Informationen zum Dokument

Niclas Ponhalm und Helen sein hausfrau habent versaczt die ubertewrung irs hawss gelegen mit dem vordern tail Under den Satlern und mit dem hindern tail in dem Kamerhof zenagst Andres Hofmaisters des kursner seligen haws uber die zwaihundert und zwayunddreissig pfund pfenning, die Cristann Wissinger vormalen darauf verschriben sein und uber die dreyundzwainczig guldein gelts purkrechts, die Hannsen Winkchler nachmalen darauf verpfentt sein und abczulosen sind mit zwainhundert und virczehen guldein nach lautt der brief darumb gegeben und uber die zehen pfund phenning gelts purkrechts, die hern Jorgen Schrot, obristen capplan Sand Peters cappellen darnach darauff verphentt und mit hundert pfund phenningen abczulosen sind nach laut ains purkrechtbriefs, darumb gegeben dem erbern Hansen Malchinger burger zu Wienn Barbaren seiner hausfraun und irn erben umb zwaihundert pfund pfenning. Und sind zubeczalen auf die nagstkunfftigen Weichnachten an alles vercziehen ut littera sonat. Actum an Mitichen vor sand Steffans tag seiner Erfindung anno etc. liiiito.

Summa xiii s. x d.