Niclas Plauer hat versaczt sein haws gelegen im Vischhof zenagst Niclasen Knawssen haws. Dem erbern Hannsen Föchlein von Meinýngen seiner gesellschafft und irn erben umb drewczehenhundert pfunt newnundfunfczig pfund und drey schilling pfenning der swarczen münss. Und sind zubeczaln zu den tegen als hernach geschriben stet von ersten sechshundert pfunt pfenning zwischen hin und dem nagstkunftigen sand Ulreichs tag, und darnach ynner den nagsten achttagen hundert newnundachczig pfund und sechs schilling pfenning. Item auf sant Jacobs tag im snit, hundert néwnundachczig pfunt und sechs schilling pfenning. Item auf sant Larenczen tag hundert newnundachczig pfund und sechs schilling pfenning, und zu der lesten werung aber hundert newndachczig pfunt und sechs schilling pfenning, auf sand Mertten tag all nagst nacheinander kunfftig an widerred und an alles vercziehen ungeverlichen ut littera sonat. Actum an sant Thomans abent appostoli anno etc. xvito.

Summa viii tl. xxx d.

Nota das egenant haws hat Pernhart Ofenprey anstat des egenant Föhling und seiner gesellschafft seiner herren mit recht erlangt, nach lautt der gericht und urlaubbrief, die zu dem púch gelegt sind mitsambt dem saczgeltbrief der nach vom Jeter ist und zu solhem begen selben und hat dacz Jorgen Krumperger swender verchaufft umb daz lii tl. d. Actum ... Margrethe, anno domini etc. lviiiio.