Niclas Gewsmid hat versaczt die ubertewrung seins hauss gelegen in der Wolczeil am egk pey der padstuben zenagst Thomans Swarczen haws uber die fúnfthalb hundert pfunt pfenning morgengab die Barbaren seiner hausfraun vormalen darauf verschriben sein, nach lautt ains saczbriefs. Dem erbern Hannsen Welser Hannsen von Wels seligen sun und seinen erben umb zwaihundert pfunt pfenning der swarczen munss. Und sind zubeczalen von datum der saczung uber zway gancze jar nagstkomúnd und sol in dieselben zway jar jerlich davon raihen und dienn zwainczig pfunt pfenning zu den vir quatemern im jar zu yeder quatemer funf pfunt pfenning an alles vercziehen ut littera. Actum an Mantag nach Reminiscere in der vasten, anno etc. lviio.

Summa xiii s. x d.