Eintrag vom 1459-09-05Informationen zum Dokument

Niclas Lambacher dieczeit des rats der stat zu Wienn hat verkauft drithalb phunt phenning gelts purkrechtz auf der ubertewrung sein hawss gelegen gegen Sand Steffans freithof uber, am egk als man ind die Goltsmidgassen get, zenegst Stephans Pusenperger des zingiesser haws, uber die zway phunt gelcz purkrechtz, die her Peter Liephart caplan der mess, so her Jacob Lewbman, auf Unser Frawn altar in Sand Jorgen kappellen im Tumbrobsthof gelegen, gestifft hat, vor darauf hat und uber ain phunt phenning gelcz purkrechcz, die dem obristen kaplan der selben Sand Jorgen cappellen auch dar auf verschriben sein. Und uber i ½ tl. d. haimstewr und cc xxv tl. d. morgengab die Barbaren meiner hausfrawn nach lautt ains briefs nachmaln darauf hat. Umb zwainczig phunt phenning, die emaln gelegen gewesen sind auf Pertlmen Zillricher des messrer haws hinder Sand Pangreczen. Dem ersamen hern Hannsen Storch pfarrer zu Tansteten dieczeit kaplan Sand Blasien altar in des Herczogen cappellen dacz Sand Steffan zu Wienn und seinen nachkomen. Und sind zu dienn zu drein tégen und wider abczukauffen miteinander und den negsten dinst damitt ut littera sonat. Actum an Mittichen vor Unser Frawen tag Nativitatis, anno etc. lviiii.

Summa xl d.