Niclas Egker zingiesser und Barbara sein hausfraw habent versaczt ir halbs haws, am Altem Rossmarkt zenagst dem Rimbergesslein an aim tail und an dem andern zenagst dem haws, das zu der Rorkolben mess gehört, gelegen, mit allen den gemechen und gemainen stukchen, die nach lautt der tailbrief darczu gehornt. Dem ersamen hern Hannsen Fuchsl korherr dacz Sand Steffan in Wienn, und seinen erben umb hundert guter newr Hungrischer guldein gerecht in gold und wag. Und sind zbeczalen, wann sy die vadernt und nicht lenger peiten wellent darnach inner den nagsten vir wochen an alles vercziehen. Actum an Freitag vor Sand Michels tag, anno domini etc. lviiii.

Summa x s. d.