Eintrag vom 1462-03-12Informationen zum Dokument

Niclas Swantz der schúster mitburger ze Wienn hat versaczt sein hawss gelegen in der Kernerstrass zenagst Steffan des Püchsenmaister hawss, umb doch unvergriffenlich den vierdhalben Ungrischern guldein gelts purkrechts, darumb es emalen in der stat gruntpúch hie ze Wienn auch versaczt ist. Dem erbern priester hern Wolfgangen Sand Johanns kirchen in der Siechernalls vor Schottentor pfarrer und seinen nachkúmen pfarrern derselben kirchen, umb zehen pfunt Wienner pfenning, darumb er auf dem egenant hawss zehen schilling pfenning Wienner gelts¹ purkrechts gekaufft hat, die emalen gelegen sind auf Barbara Hannsen Schreiner Griffelsmid seligen wittiben hawss, gelegen hinder Sand Pangreczen und sind zú dienn zú drein tagen und abzúlósen mit zehen pfunt Wienner pfenning und den nagsten dinst damit ut littera sonat. Actum an Freitag vor dem Suntag Reminiscere in der vassten ano etc. lxiio.

Summa xx d.