Eintrag vom 1463-02-07Informationen zum Dokument

Niclas Héwsler der messrer und Helen sein hausfrau habend verkauft vierczehen schilling Wienner pfenning gelts purckrecht auf irm hauss gelegen im Réczengraben hinder Sand Pangreczen und stösset mit dem hindern tail an des von Wallsee garten, zenagst Fridrichs Toczer des messrer hawss an ainen tail und an dem anndern zenagst Frankhenstain des messrer hawss umb vierczehen pfunt Wienner pfenning, die emalen gelegen gewesen sein auf Barbaran Jacoben des Pignot Vilczhüter seligen wittib hawss im Harhof gelegen. Und sind zú dienn zú drein tágen im jar und abczelósen umb vierczehen pfunt pfenning Wienner miteinander und den nagsten dinst damit ut littera sonat. Actum an Montag nach sand Dorothea tag, anno etc. lxiiio.

Summa iiii gross.