Eintrag vom 1463-05-29Informationen zum Dokument

Niclas Lambacher dieczeit der hochwirdigen Universitet und Schul ze Wienn richter und czymenter in Osterreich hat verkaufft fúnfthalb pfunt pfenning gelts purkrechts auf der úbertéwrung seins haus gegen Sand Steffans freýthof über gelegen am egk als man in die Goltsmidgassen geet zenagst Steffans Púsenperger des zingiesser hawss, úber die zway pfunt pfenning gelts purkrechts, die her Peter Liepharter capplan der mess, so her Jacob Lewbman auf Unser Frawn altar in Sand Jórgen cappellen im Tumbrobsthof gelegen gestift vor darauf hat. Und über ain pfunt pfenning gelts purkrechts, die dem óbristen kapplan derselben Sand Jorgen kappellen auch darauf verschriben sein. Und über annderthalb hundert phunt pfenning haimstewr und zwayhundert fünfundzwainczigk pfunt pfenning morgengab, die Barbaren seiner hausfrawen nach lautt ains briefs nachmals darauf verschriben sein. Und über die dritthalb pfunt pfenning gelcz purkrechts, die hern Hannsen Starch pfarrer ze Tansteten, kapplan Sand Blasien altar in des herczogen kappellen zú Sand Steffan zú Wienn und sein nachkomen darauf habent. Dem erbern priester Anthony Primi von Karfrey dieczeit kapplan der mess, die Reichel der smid auf Sand Ulrichs und Sand Barbara altar in Sand Michels pfarrkirchen ze Wienn gestift hat und seinen nachkómen kapplén derselben mess, umb sechsunddreissigk pfunt pfenning Wienner. Und sind zú dienn zú drein tagen im jar und abczelösen umb sechshunddreissigk pfunt Wienner pfenning miteinander und den nagsten disnt damit ut littera sonat. Actum an Freitag vor Philippi et Jacobi apostolorum, anno etc. lxiii.

Summa lxxii d.