Eintrag vom 1469-06-03Informationen zum Dokument

Niclas Haller hat versaczt sein haws gelegen in der Wiltperger strass zenagst Hannsen Wienner haws Cristoffen seim sun und seinen erben umb hundert vierundzwainzick gueter newer Ungrischer gulldein gerecht in gold und wag darumb schilling phenning, darumb er ain halbs haws gannczes gelegen zu Karnnewnburg am Ring zenagst Wenczlaben des Smids haws an aim taýl mitsambt aim halben Saffrangarten auch ganntzer gelegen vor dem kloster daselbs, zu des benanten Cristoffen seins suns und seiner geswistreit, die mit tod abgangen sind, hannden mit recht erlanngt, verkauft hat und sind zu bezalen, wann derselb Cristoff vogtper wierdet, oder ob er ungevogt abgieng, darnach seinen nagsten erben an verziehen trewlich und ungeverlich ut littera sonat. Actum an sand Erasmus tag, anno etc. lxnono.

Summa nulla propter priorem.

Nota der vorgenant Cristoff Haller hat gemelten seinen sacz ledig gesagt an Freitag sand Appolonien tag virginis anno 98, dann von berúrtes saczgeltbriefs wegen hat er ainen todtbrief zu dem puch erlegt Actum ut supra.