Niclas Liechtenawer slosser hat versaczt sein hawss gelegen in der Walchstrass, do der Wolf den gensen predigt, zenagst herrn Hannsen Jarolter hawss. Dem erbernWolfgangen Orter und seinen erben funffczigkh phunt phenning guter lanndeswerung in Osterreich. In solher maynung das nach seinen abgangkh

---

dieselb summa phenning erben und gevallen sullen auf seine kinder, die er bey seiner hausfrawen Affren elichen gehabt hat. Gingen aber dieselben ir baider kinder nach im auch ungevogt ab, oder ob sy vogtper wurden und die bemelten l tl. d. unvermacht und unverkimrert hinder in liessen, so sullen sy dann erben und gevallen auf derselben kavlewt baider nagst erben, darauf sy zu recht erben und gevallen sullen. Wér aber das die vorgenanten kinder vor irem vater mit tod abgiengen, so sol er die vorgenanten summa phenning gleich halb lediclich innhaben und den andern halben tail sein lebteg unverkimrert núczen und nýessen als leibgedings recht ist, und nach seinen abgangkh sol derselb halb tail gelts erben und gevallen auf derselben Affren seiner hausfrawen nagst erben, darauf er zu recht erben und gevallen soll. Und sind zubeczalen von datum des briefs uber ain gannczs jare anverziehen. Actum an Montag vor Unser lieben Frawen tag Nativitatis, anno domini etc. lxviiiino.

Summa iii s. x d.

Nota das gelt ist abgelósst und auf Rueprechten Pawngartner ryemer haws in der Riemerstrass, das der Schotten grunt ist, gelegt. Actum an Mitichen post Judica anno etc. lxxmo.