Niclas Kollrér der goltsmid und Margreth sein hausfraw habent versaczt ir hawss, das weilent Merten Kren des kochs gewesen und gelegen ist in der Preydenstrass zenagst Erenreichen Köppl hawss, genant Zum guldein Köpph, den erbern Hannsen und Jacoben gepruder, den Awrhaimern und Franczen irm pruder, der noch ungevogt ist, und iren erben, der stewffen und rechten súnen¹, umb hundert und achtzigkh phunt phenning, die in fúr irn vaterlichen erbtail zugepúrn. Und sind zu bezalen yedem seinen tail, von datum des gegenburtigen saczs uber zway ganncze jare nagstkúnfftigen an alles verziehen getrewlich und ungeverlich. Actum an Eritag vor sand Pauls tag Conversionis, anno etc. lxxmo.

Summa xii s. d.

Habent cedulam.