Eintrag vom 1446-02-06Informationen zum Dokument

Oswalt Reicholf, diezeit des rats der stat zu Wienn, hat versaczt sein halbs haws, daz im gegen seinem pruder Jorgen Reicholf an rechter tailung gevallen ist, ganczes gelegen am Kienmarkht im Winkchl zenagst des Schúchler haus an aim tail, und sein zuhaus nidern am Salczgriezz gelegen zenagst Josten von Gumpoltzkirchn haus. Den ersamen weisen hern Hansen Haringseér, diezeit burgermaister, und dem rat der stat zu Wienn und írn nachkómen, umb drewhundert phunt Wiener pfening, und sind zu beczaln von datum der satzung uber vir jar, die nagst nacheinander koment. Und sullen auch der benaten Reicholf und sein erben alle jar davon raihen und dienn xii tl. d. hern Thoman Rappolt, kaplan des Prúflinger und mezz, oder der statkamrer zu den vir quatembern jar zu yeder quatember iii tl. d., und sullen auch mit dem ersten dinst anheben zu der quatember in der vasten nagstkunftig anvercziehen, ut littera sonat. Actum an sand Dorothea tag, anno etc. xlvio.

Nota daz egenant zuhaws hat her Oswalt reicholf verkaufft Hannsen Varbmacher und ist gevertigt worden nach geschefft des hern Jacoben Starch derzeit des rats, an Freitag vor Phingsten, anno etc. lviiimo.

Tempore dominorum Erasm Ponhaymer, consulis, et Hannsen von Eslorn, anno etc. xlviio.