Oswalt Sweigker und Kathrey sein hausfrau, habent versaczt ir haws, gelegen in der Munsserstrass zenagst Hannsen des Haringseer haus umb i ½ c tl. d. Den erbern Hannsen Sorger, Niclass Reich, apoteker, und Hannsen Maurperger, dem múnsser, Micheln Swannberger des kramer der¹ egnanten Kathrein ersten manns seligen geschéfftleuten, anstat und zuhanden desselben Swanberger seligen nagsten erben, umb i ½ c tl. d., die der benant Swanberger der vorgnanten Kathrein weilent seiner hausfraun in morgengabweis anczulegen geschafft hat. Also das sy dieselben summ phening morgengab ir lebtteg innhaben nuczen und niessen sol und mag unverkumert uncz an irn tod, als morgengab und der statrecht ist und nach irm abgang sullen denn dieselben i ½ c tl. d. morgengab auf dem egnanten irm haus hinwider erben und gevallen auf des obgnanten Michaeln Swanberger seligen nagst erben darauf sy dann zurecht erben und gevallen sullen, die dann dasselb haus dafur innhaben nuczen und niessen sullen an abslag solang uncz das daz umb dieselben i ½ c tl. d. von in gelost wirt, ut littera sonat. Actum an Freitag ante Reminisicere, anno domini etc. xlviio.

Summa x s. d.

Nota Hannsen am Griess hausfrau und Anna, Hannsen Keczl hausfrau, habend die bemelten i ½ c tl. d. geerbt und her Andre Spaunkircher hat ain schermbrief zum gruntpuch erlegt. Actum an Montag post Elizabeth, anno etc. lxviiii, und der sacz ist ausgetan nach geschefft des burgermaister und rat dieszeit [...].