Eintrag vom 1450-03-30Informationen zum Dokument

Oswalt Weinperger dieczeit des rats der stat zu Wienn hat versaczt sein zwaytail hauss am Kienmarkt gelegen, gegen der Gémyker hof úber zenagst Philippen Kraukcher haus an aim tail, davon man jérlich dint dem óbristen caplan Sand Peters cappellen zu der mess, die weilent Eberhart Kussner daselbs zustifften geschafft hat, zehen pfund pfenning zu purkrecht nach lautt ains purkrechtbriefs, und nicht mehr. Dem erbern Jorgen Krempl fraun Johana seiner hausfraun und irn paiden erben, umb zwaihundert und zwainczig pfund phenning. Und sind zubeczalen, von den nagstkúnfftigen Ostern über ain ganczes jar an alles vercziehen ut littera sonat. Actum an Montag nach dem Heiligen Palmtag, anno etc. lmo.

Summa xiiii s. xx d.