Eintrag vom 1468-03-07Informationen zum Dokument

Oswalt Prantesser kursner mitburger zu Wienn, hat versaczt sein halbs hawss ganczes gelegen in der Kernerstrass, am egkh, als man in die Pippinusstrass geet an ainem tail, und an dem andern zenagst dem Pilgréin hawss. Und ist der erst tail desselben hawss mit allen den geméchen, und gemain stukhen, so nach lautt der tailbriefe darczu gehórent, seiner hausfrawen Hedweigs nagsten erben, wer die sein, umb hundertt phunt phenning haimstewr, die im dieselb sein hausfraw zupracht und er von iren wegen berait ingenomen hat, dach also, daz er die benant hundert phunt sein lebtég unverkumrert nuczen und nýessen sol und mag, und nach seinen abgangkh sullen sy auf der vorgenant Hedweigen seiner hausfrawen seligen nagst erben, wer die sein werden, erben und gevallen, die dann das vorgenant halb¹ hawss dafúr innhaben nuczen und nyessen sullen und múigen an abslag, uncz das es sein nagst erben von in daruber losent ut littera sonat. Actum an Montag post Invocavit, anno domini etc. lxviiivo.

Summa vi s. xx d.

Nota das obgenant halb hawss zenagst dem Pilgram hawss gelegen, ist verchauftt durch gemaine stat ut patet li(bro) No(vo) fo. 491.