Eintrag vom 1470-08-20Informationen zum Dokument

Oswald Mauttér burger zu Wienn hat versaczt sein hawss mit aller seiner zugehórung gelegen in der Lanndskran zenagst Paulen Lainsiczér haws. Seiner hausfrawen, Margrethen, Hainreichs Zengerl zu Lýntz tóchter, umb drewhundert phunt phenning haimstewr, die sy im zupracht hat, und umb fúnffthalb hundert phunt phenning morgengab nach dem stat rechten . Also das sy die innhaben und nyessen sol und mag als haimstewr, morgengab und der stat zu Wienn recht ist, ut littera sonat. Actum an Montag vor sand Pertlmes tag, anno domini etc. lxxmo.

Summa vi tl. lx d.

Nota wann man mit den obgenant haimstewr unnd morgengab verrer ichts hanndlnn wil, so sol man den schermbrief, den Jacob Rechwein unnd die obgenannt Margret sein hausfraw so eemals den bestimbten Oswalden Mautter auch elichen gehabt hat von wegnn der ii c tl. d. haimbstewr, so auf Hainr(ich) Smawssen hawss bei Sand Steffan verschribnn gewesen sein gebnn habe, aigenntlich anschun und derselb schermbrief ist zum gruntpuch erlegt.

Nota auß bephelh burgermaister und rate ist der oberurt saz zusambt dem nota den schermbrief so Jacob Rechwein und Margareth sein hausfraw zum púch erlegt solt sein, berurend abzethun verschafft daentgegen meister Peter Tanhauser und Barbara sein hausfraw ain schermbrief erlegt. Actum an Eritag nach dem Sonntag Reminiscere in der vassten anno quingentesimo octavo.