Eintrag vom 1465-04-08Informationen zum Dokument

Peter von Geraw, Hannsen von Geraw, burger zu Wien, sun, hat versaczt sein halbs haus mit seiner zugehornung, ganczes gelegen am Harmarkt am egk gegen etwen Jorgen von Nicolspurg haus uber zenagst der gassen als man an den Alten Fleischmarkt get an aim tail und an dem andern zenagst Adambs Hertung seligen haus und ist der erst tail desselben haus, mit allen den gemechen und gemainen stukchen, die nach laut der tailbrief darczu gehornt. Den erbern Ulreichen Arczt, burger zu Augspurg, Hannsen Span, burger zu Memingen und Hannsen Smidmer, burger zu Nurnberg, und irn erben, umb zwaihundert Ungrisch guldein gereicht an gold und wag und sind zubaczaln wan sy die haben und nicht lenger peiten wellen an vertziehen ungeverlich. Actum an Montag in der heiligen marterwochen, anno etc. lxvto.

Summa ii tl. minus vi d.

Ulreich Arczt, Hanns Span und Hanns Smidmer habent cedulam.

Nota den sacz hat Sigmund Aman und Larenntz Kellner ledig gesagt und uber die benaten saczzedln ain totbrief zum gruntpuch erlegt, anno etc. lxxviii.