Peter Hartpekh, der verber, burger ze Wienn, und Margreth, sein hausfraw, habent verkaufft newen phunt guter Wienner phening gelts purkrechts auf der ubertewrung irs haws, gelegen im hofgesslein zenagst Ulreichs Stedlmayr des verber haws an aim tail, uber die dreissig hUngrisch darumb es vormalen Hannsen Schreitl dem kramer versaczt ist. Umb zwayundsibentzig phunt guter Wienner phening und sind emalen auf Micheln Weydner des huter hawss im schalhof gelegen gewesen die man damit darub gelösst hat. Dem erbern priester hern Wofganngen Freythöfl, diezeit capplan der mess so Dorothe die pekchin auf Sand Blasien alter zun Sand Steffan hie zu Wienn gestifft hat, und seinen nachkomen kapplein derselben mess und sind zu dienn ze drew tegen im jar zu sand Michels tag, zu Weinachten und zu sand Jorgen tag zu yeder benanten zeit iii tl. d. und sind widerumb abzekauffen mit lxxii tl. d. und den nagsten dinst damit, ut littera sonat. Actum an Freytag nach sand Mertten tag episcopi, anno domini lxvto.

Summa ½ tl. xxiiii d.