Eintrag vom 1466-08-22Informationen zum Dokument

Paul Strendl, mitburger ze Wienn, hat versatzt sein hauss, gelegen vor Stubentor in der Schefstrass bey der Wienn gegen dem klewbhof uber zenagst Hannsen Grunfelder des pintter hauss. Den erbern Helein und Barbaren, Hannsen Prukner und Ursulen, seiner hausfrau Niclasen Neehaymer seligen tochter, kindern, umb hundert phunt phening in gleichen tail, die in vor auch auf dem hauss verschriben gewesen und mit geschèfft an sy komen sind von dem obgenanten Niclasen Neehaymer irm een nach lautt seins geschefts im statpuch hir geschriben, und sind zùbetzalen wann die obgenanten kinder vogtper werden an alles vercziehen getreulich und ungeverlich. Actum an Freytag vor sand Bartholomess tag, anno dominit etc. lxvito.

Summa vi s. xx d.

Linhart Niderl habet cedulam.