Eintrag vom 1469-03-22Informationen zum Dokument

Paul Laínsnitzer und Dorothe, sein hausfraw, habent versaczt ir haws, gelegen an der prantsat zenagst weilent Hainreichs Schiesser des zingiesser haws an aim tail und das hofel hinden daran im winkhel das zu demselben haws gerhort zenagst Sigmunds Moroltniger haws , da man von demselben hoflein dint der stat zu Wienn ain phunt phening an sand Michels tag zu gruntdinst und dem convent gemain des closters zu sand Jacob auf der Hulben zu Wienn und irn nachkomen umb zway

hundert guter Ungrischer guldein gerecht in gold und wag und sind zubetzalln hundert guldein von der nagstkunftigen Prediger kirchweych uber ain ganntz jar und hundert guldein von derselben prediger kirchweich auch uber ain gantz jar darnach schirstkunftigen an alles vertziehen getreulich und ungeverlich. Actum an Mitichen vor unser lieben frawn tag anunciacionis anno etc. lxviiii ut littera sonat

Summa ii tl. d.

Nota der sacz ist ledig gesagt ut quittung zum puch erlegt. Actum an Montag post invocavit