Peter Pehaim, hawer, hat verkauft drew phund phening gelts purkrechts auf seim haws mit seiner zugehornung das etwen ain gassen gewesen und mit der stat marichstain ausgezaigt und verfridt ist gelegen bei dem Petlerpüchl das der stat grunt ist zenagst Hannsen von Gera haws, davon man jerlich dient der stat hye xxxii Wienner d. an sand Michels tag ze gruntdienst und auf seinem öden Fleckh darauf vormal ain haws gepawt gewesen ist und dem hofstetl daran auch daselbs am Petlerpüchl gelegen zenagst weylent Albrecht Nopper haws das der Schoten grunt ist. Umb xx tl. d. achtundzwainczickh phund Wienner phening, dem erbern briester hern Hannsen Rorallter, di zeit caplan der mess so Anna Stephans Walchpeckhn witib hintz Sand Michel gestifft hat, und seinen nachkomen kaplen dersleben mess und sind zu dienen zu drein tegen und widerumb abzekauffen mit achtundzwainzigk phund Wienner phennig und den nagsten dinst damit, ut littera. Actum an Freytag vor Geori, anno etc. lxviiii

Summa lvi d. xxviii d.