Eintrag vom 1473-07-23Informationen zum Dokument

Paul von Ror, diezeit des rats der stat zu Wienn, an stat Thomans, Heinsleins und Ursulen, Peter Windner und Annen seiner hausfrawen kinder, die nach noch ungevogt sein, hat nach geschefft Wienner herren · des burgermaister und rats der egenanten stat, versaczt die ubertewrung der egenanten kinder gerechtigkeit, die sy haben an aim hawss, gelegen in der Woltzeil innerhalb Stbentor zenagst in Swaben des pekhen hawss, darumb sy und die bemelte ir muter Anna nucz und gewer geschriben stent, uber die iii tl. d. gelts purkrechts. so dem capplan der mess die Eberhardt Kasstner in Sand Peters kirchen auf unser frawen altar gestifft hat, und uber die xli tl. d., die dem bemelten Windner, und die xxvii tl. d.. so der vorgenant Annen desselben Windner hausfrawen vor darauf verschriben sein. Dem yetzgenanten Windner seiner hausfrawen Annen und iren baiden erben, umb dreytzehen phunt phening, die sy Hainreichen Schroten von der egenanten vir kinder wegen fur sein erbliche gerechtigkeit so er an dem obgenanten hawss gahabt bezalt haben nach lautt ains purkrechtbriefs darumb darumb aufgangen, und sind zubezalen wann sy die ervordern und nicht lenger peiten wellen an alles verziehen getrewlich und ungeverlich. Actum an Freitag nach sannd Maria Magdalen tag, anno etc. lxxiiio.

Summa xxvi d.