Ruprecht Scherdinger, kursner, und Barbara, sein hausfraw, habent versaczt ir haws, gelgen im schulhof und stosset an der Weissenpruder freithof mit ainem tail und mit dem andern und mit dem zenagst Stephans Sorgenfrèy haws mitsambt dem keller und dem bemelten haws. Den erbern Thoman Durchtzieher und Thoman Behem an stat und zu hannden Lamprechten, Veiten, Augustin und Hènnslein, Hannsen von Eslorn seligen kinder der gerhaben sy sein¹, Lamprechten Schemer und Kathrein, des egenanten Behem hausfrawen, Annen, Hannsen Aicher hausfrawen, und Helen, Hannsen Wisent hausfrawen, die vormalen den benanten Hannsen von Eslorn seligen auch elichen gehabt hat, und allen iren erben, umb zwayhundert und virtzigkh phunt phening, die herkomen von des obgenanten hawss wegen und in ingleichen tailen zugepurn, und sind zubeczalen hundert phunt auf sand Larentzen tag und die ubermass hundert und virtzigkh phunt phening zu den Phingsten kund frist und tég nagstnacheinander kunfftigen an alles vercziehen getrewlich und ungeverlich. Actum an Montag nach sand Maria Magdalen tag, anno etc. lxxmo.

Summa ii tl. i d.

Gerhaben habent cedulam.

Nota die obgenanten gerhaben haben der bemelten ungevogten kindern tail ingenomen ut quittung, die zum puch erlegt ist, und haben mitsambt den andern obgenanten personen den sacz ledig gesagt.