Eintrag vom 1472-08-05Informationen zum Dokument

Peter Krotendorffer ... und Kathrey, sein hausfraw, habent versaczt ir hawss, gelegen in der Vordern Pekhenstrass zenagst Thomans Wasenawer hawss. Dem ersamen weisen Cristan Schönnperger, diezeit des rats der stat zu Wienn an stat und als gerhaben Hennsleins, Wennczlaben Sparerugel seligen sun, und seinen nachkomen¹ zu hannden desselben Hennsleins und sein erben, umb anderthalb hundert Hungrisch gerecht in gold und wag und sein zubezalen zu sand Michels tag des lxxiiisten jars funfftzig guld zu sand Michels tag des lxxiiiisten jars funfftzing guldein und zu sand Michels tag des lxxvsten jars auch nagstkunfftigen auch funfftzig gulden all gerecht ind gold und wag an alles verziehen getrewlich und ungeverlich, actum und sein herkomen von wegen des egenanten ains hawss gelegen in der Vordern Pekhenstrass das des obgenaten Hennsleins gewesen ist und der obgenant Schönnperger verkaufft hat. Actum an Mitichen nach sand Steffans tag Invencionis, anno etc. lxxii.

Summa xii s. d.

Schonnperger habet cedulam.

Umb die satz zedln ist ain totbrief zum gruntpuch erlegt, anno etc. lxxxvto.