Steffan Glaser hat verchaufft zehen phund Wienner phening geltes purkrechts auf der uberteurung seins hauss, gelegen in der Kernnerstrass zu Wienn zenagst Micheln Wenyger des schuster haus an aim tail, uber die zwayunddreissig phund pfenig, die · dem kirchmaister unserr frawn cappelln auf der stetten hie zu Wienn darumb er die Gleser daselbs pessern sol vor darauf verschriben sein. Umb hundert phunt pfenig, dem erbern briester hern Jorgen Schroten, capplan Sand Peters cappelln und dietzeit verweser der mess die weilent Eberhart Kastner daselbs zu stifften geschafft hat, und seinen nachkomen verwesern derselben mess und sind zu dienn zu drein tegen und wider abtzukauffen miteinander und den nagsten dinst damit, ut littera sonat. Actum an Freitag sand Bertlmes abend, anno domini etc. xliiio.

Summa vi s. xx d.