Eintrag vom 1444-06-05Informationen zum Dokument

Symon Reyspekch, der pekch, und Preid, sein hausfrau, habent versaczt ir haus, das vormaln ain prantstat gewesen ist, gelegen auf der Alsserstrass, und ein gertl und ain hofstat weingarten hinden daran, zenagst Ulreichs Velabrunner haus, da man von dem egenantn haws und seiner zugehorung jerlich dint der stat zu Wienn lxxviii Wienner d. an sant Michels tag zu gruntdinst und nicht mer. Umb zwayundvirtzig pfund pfening, dem erbern Hannsen dem Zonymer, Agnesen, seiner haufraun, und irn baiden erben und sind zu betzalen halb von dem nagstkunftign sant Johanns tag zu Sunwenden uber ain jar und halb von dem benanten sant Johanns tag uber zway jar an alles vercziehen. Actum an Freitag post Erasmi, anno etc. xliiiito.

Summa lxxxiiii d.

Den sacz habent si ledig gesagt, in Vigilia Conceptionis Marie anno etc. xlvito.