Sigmund Freithofl, der hafner, hat versaczt sein haws und garten daran und was darczue gehoret, gelegen pey den Sibenherbergen vor Kernertor zenagst der pruken und Sand Colmans freithof, und ain hofmarch, das emalen am haws ist gewesen, gelegen daneben, daman von derselben hofmarch jerlich dint den armen leüten in der purgerspital drey schilling pfening zu gruntdinst und von dem egenanten haws garten und der benanten hofmarch und was darczu gerhört hern Wolfgangen Freithöfl, dieczeit caplan der messe so frau Dorothe die Poschin auf Sand Blasien altar dacz Sant Steffan zu Wienn gestifft hat, newn pfunt pfening zu purkrecht und nicht mer. Dem erbern Jorgen Krumb, dem pinter, und seinen erben, umb sibentzig pfund pfening und sind zubeczaln auf sand Michels tag nagstkunfftigen an alles vercziehen. Actum an Mitichen nach sand Margreten tag, anno domini etc. lvto.

Summa iiii s. xx d.

Den sacz hat der egenant Krump pinter ledig gesagt, an Freitag vor Petronelle, anno etc. lvito.