Eintrag vom 1455-09-17Informationen zum Dokument

Sigmund Tèglich und Kathrey, sein hausfrau, habent versaczt die ubertteurung irs hawss, gelegen gegen dem Drumbrobsthof uber zenagst weilent des Kriczenfelder haws, uber die hundert pfunt pfening, die hern Jorgen Schrot caplan Eberharts des Kasstner messe hincz Sand Peter emalen darauf verschriben sind, davon man jerlich dint zehen pfunt pfening zu purkrecht nach lautt ains purkrechtbriefs, und uber die hundert virundzwaubczig pfunt pfening, die Symon dem Pötlein nachmalen darauf verphentt sein. Dem erbern Andren dem Kelhaimer, burger zu Wienn, und seinen erben, umb sechsundsibenczig pfunt pfening landeswerung und sind zubeczaln auf sant Jorgen tag nagstkunfftigen anvercziehen. Actum an sand Lamprechts tag, anno domini etc. lvto.

Summa x s. d.

Habet cedulam.