Eintrag vom 1456-02-27Informationen zum Dokument

Stephan Nerner, der sailer, und Margreth, sein hausfraw, habent versaczt ir haws, gelegen am Salczgriess underhalb Sand Ruprechten cappellen zenagst der stiegen an aim tail. Den erbern Dietreichen Holfús und Ulreichen Mayrhofer an stat und als gerhaben Stephans, Fridreich weilent spitalschreiber seligen sun, und seinen erben, umb drew und dreissigk phunt ind ain und sechczig phening, die im fur seinem vaterlichen erbtail von dem egenanten haws das die benanten sein gerhaben und Dorothen sein muter dem egenanten Stephan Nérner verkaufft gepurt habent uber alle vertigung so darauf gangen ist, und sind zu beczallen auf die nagstkünftigen liechtmess an alles vercziehen. Actum an Freitag vor dem Suntag Oculi in der vasten, anno etc. lvio.

Summa lxvi d.

Nota die genant sum phening haben ingenomen Dietreich Holfùs und Ulreich Mayrhofer als gerhaben und zuhannden des obgenanten knaben und habent den sacz ledig gesagt, an Freitag vor sand Kathrein tag, anno domini etc. lviiio.